|
تيرٿ گوبندرام سڀاڻي لاڙڪاڻي ۾ ڄائو . 1947ع جي ورهاڱي کان پوءِ بمبئي لڏي ويٺو . شندس شمار مشهور ليکڪن ۽ صحافين ۾ ٿئي ٿو . هن ڪيترائي ناول لکيا۽ ترجمو ڪيا. بمبئي ۾ سالن جا سال هفتيوار اخبار ”هندو واسي“ جو ايڊيٽر ٿي رهيو . |
26 فيبروري 1906ع |
|
سنڌ ۾ ”برٽش امپائر ليگ“ جي شاخ کولي ويئي . هن ۾ سرڪار دوست هندن ، مسلمانن ۽ ٻين مذهبن وارن شرڪت ڪئي . ليگ جو مقصد اهو هو ته عوام ۾ حڪومت سان غير مشروط تعاون ۽ همدرديءَ وارا جذبا اُڀاريا وڃن . هن ليگ جا وڌيڪ مقصد ”گل حيات“ ۽ ان جي ويب سائيٽ تان وٺي سگھجن ٿا . |
05 مارچ 1906ع |
|
ڪراچيءَ ۾ سنڌ جي ڪمشنر مسٽر اي . ڊي . ينگ هسبنڊ ججي صدارت ۾ ”برٽش امپائر ليگ“ جي شاخ کولي ويئي . مسٽر ورين ان جو پهريون سيڪريٽري ٿيو . هن ليگ ۾ انگريز عهديدار ، هندو ، مسلمان ، پارسي وغيره ميمبر هئا . ليگ جهڙوڪ فرنگي حڪمرانن جي وفادارن جو ٽولو هئي . ليگ بابت بنيادي ۽ اهم مواد گل حيات جي ويب سائيٽ تي موجود آهي . |
05 مارچ 1906ع |
|
تيرٿ داس هوتچند حيدرآباد ۾ ڄائو . جنهن اڳتي هلي شاهه عبداللطيف ڀٽائيءَ تي ڪم ڪيو . هن انگريزيءَ ۾ لاکيڻي لطيف تي جيڪي ڪتاب لکيا انهن مان ”شاهه عبداللطيف جي ستن ڪهاڻين جو تعارف“ ، سر ليلى چنيسر“ ”سر ڪاموڏ“ ۽ ”سر سورٺ“ ذڪر لائق آهن . |
04 جون 1906ع |
|
مٽياريءِ ۾ خانبهادر سيد حسن علي شاهه جي گھر ۾ ۾محمد علي شاهه ڄائو . هن ضلعي لوڪلبورڊ حيدرآباد جي ميمبر ٿيڻ سان سيايت ۾ حصو ورتو . ڪجھ وقت ان جو صدر به ٿي رهيو . ان کان پوءِ سنڌ اسيمبليءَ جو ميمبر به ٿيو . 12 نومبر 1961ع تي وفات ڪيائين . |
19 سيپٽمبر 1906ع |
|
شيوڪ ڀوڄرا ”کڙکٻيتو“ لاڙڪاڻي ۾ ڄائو . 1947ع کان پوءِ لڏي وڃي ڀارت ويٺو . سنڌ ۾ رهڻ دوران هو مشهور ليکڪ ۽ ادبي تنظيم سازيءَ جي ماهر طور پاڻ مڃرائي چڪو هو . سندس ئي ڪوشش سان سنڌ ۾ ”ٻالڪن جي ٻاري“ ٺهي . ورهاڱي کان اڳ سندس ناول شايع ٿي چڪا هئا . ڀارت وڃڻ کان پوءِ هن علم ، ادب ۽ صحافت جي دنيا وسائي . |
01 آڪٽوبر 1906ع
|